ปู่คำมันจะแกล้งชาวเขมร วันหนึ่งปู่คำตัดบอกไม้มาบอกหนึ่งแล้วก็ตดใส่ในบอกหั้นตึงวัน พอวันที่จะเอาไปหื้อชาวเขมรดมก็ขี้ใส่แหมหน้อย แล้วก็ตึดปากบอก กำไปกายหน้าบ้านชาวเขมร เขมรก็ถามว่า
“ปู่คำ นั่นถือบอกอะหยังน่ะ”
“บอกอือฮือ”
“บอกจะใดบอกอือฮือ อะหยังอยู่ในนั้น”
“มึงใคร่รู้กา”
“เอ่อ บอกอือฮือ เราบ่เคยหัน เราขอย่ำคำเต๊อะ
“ของนี้บ่ใช่ของดีย่ำ เป็นของดีดม”
ชาวเขมรก็ขอดม ปู่คำก็เอาบอกอือฮือยื่นหื้อ พอชาวเขมรรับมาก็เปิดดม แล้วรองออกมาว่า
“อือฮือ เหม็น”
